Поздравен говор на Основачот

Многу сум горд на фактот што фирмата ЗЕГИН претставува еден од потпорните столбови на македонскиот фармацевтски систем повеке од 22 години.
Ја започнавме нашата дејност како прва фирма за големопродажба на лекови на просторите на поранешна Југославија, со сопствени средства, опрема и персонал. За сите овие години откако постоиме, купувачите секогаш претставувале приоритет во нашето работење, и за кои создадовме препознатлив имиџ на компанија која нуди најдостапни цени, широк асортиман и професионално однесување на нашите вработени, односно успеавме да станеме лидер во фармацевтскиот сектор, што пак од друга страна не обврзува постојано да се подобруваме за доброто на целокупниот  фармацевтски сектор.

Денес ЗЕГИН претставува една од најуспешните компании во Македонија. Ако се земе во предвид консолидираниот промет кој го остваривме, тогаш може да се каже дека сме една од 20 најуспешни компании во Македонија. Таквиот квалитет кој го поседуваме не помина незабележано од страна на странските инвеститори кои, неодамна ја рекапитализираа нашата компанија. Од тој момент ЗЕГИН стана дел од мултинационална компанија чиишто планови за идните потфати одат подалеку од границите на Република Македонија.

Компанијата ги проширува своите деловни интереси и на другите полиња на економијата. За таа цел, би сакал искрено да им се заблагодарам на нашите верни потрошувачи и лојални партнери за нивната досегашна соработка, со надеж дека таквиот партнерски и пријателски однос ќе продолжи и во иднина.